Ini tjerita sanget menarik di moelai pada djaman Tjeng jang sanget dogol dalem djalanken pemerentahan jang mengakibatken beberapa provencie toemboeh soeboer para badjingan.
Awal'nja bermoela satoe familli Lu diriken satoe „Roemah-Gade” jang ia beri nama Thay Kong Tong di itoe provincie, sementara di satoe fihak familli Oei jang terkenal mendjadi kepala rampok jang poenja akal sanget boeloes.
Moelai dari tjelana bekas, Pispot, Bell „Gredja” (*batja roemah ibadat; dan ini kata selaloe di goenaken dalem „Kiam Hiap”) hingga majat??? Djelas ini boekan barang jang biasa di Gade.
Setelah beberapa kali ganggoe achirnja familli Oei (Tjeng Tiok Tjoa) berhasil rampas Thay Kong Tong lewat bantoean seorang „pendekar” (jang merasa pernah oetang boedi pada familli Oei).
Lu Soe Nio (adik dari familli Lu) jang kebetoelan soeka silat dan sanget bentji ketida adilan soedah minta bantoean satoe dari tiga pendekar jang sanget lihay.
Di tjeritaken siapa itoe satoe dari tiga pendekar jang kepaksa trima 8 moerid jang ia pilih dari para pemboeroe, disini aroma silat Tionghoa sanget kentel di mana kita bisa taoe banjak djoeroes jang di beriken Pendekar besar pada masing² dari 8 moerid'nja jang sanget aneh ini djoega ia toeroenken semoea ilmoe'nja pada ia poenja anak jang sanget loegoe, tapi mempoenjai hati jang baek.
Achir’nja itoe anak jang di pilih oleh sang Pendekar oentoek bantoe familli Lu reboet kombali Thay Kong Tong.
Gimana tjara reboetnja? Ini sanget tida terdoega oleh pembatja sampe di alinea terachir itoe tjerita; tampa keloearken setetes darah Thay Kong Tong bisa di dapet, ini semoea berkat satoe hwesio jang sanget bidjaksana tida memihak pada familli Lu maoepoen Oei dimana keada’an jang moesti di trima dari kedoea belah pihak.
Koetiban terpilih:
……………Tjilaka… tjilaka!, pikir ia, ini djahanam setelah membawa boentelan dari kaen koening…….Pembatja moesti taoe, bahwa boentelan koening ada satoe resia besar. Satoe orang dari kalangan Kang-ouw jang maoe tjari goeroe atawa kenalan ada menggendong boentelan dari kaen warna koening, siapa jang berani berlakoe demikian kepandean'nja moesti tinggi dan haroes sanggoep bertempoer dengen siapa djoega……….
Hoei Hoen poenja peroet ada koening dan tida mengoendjoekin laen tanda jang loear biasa, melaenken tiap ia bernapas, itoe koelit perlahan-lahan mengoedjoekin sinar idjo.
………. Ini kali Ouw Hoen telah keloearken antero tenaga'nja………………… dengen tida goegoep soedah samboetin poela dengen peroet'nja, kamoedian ia serot peroet'nja kedalem, soenggoe heran Ouw Hoen poenja kepala djadi tertantjep di dalem peroet'nja Hoei Hoen thauwto, dan tjoema keliatan ia poenja idoeng jang ada di sebelah loear.
Itoelah oeraian singkat dari „Perampasan Thay Kong Tong” jang di salin oleh Wat Tjian Hwee. 15 April 1935 oentoek Kiam Hiap.