Sie Gwat Yong selaen djago Pedang djoega mahir mengoenaken Piauw (*sendjata gelap; resia) bersama ia poenja soamoay (*ade sepergoeroean) Song Gin Peng jang poenja achli pegang Gendewa (*bosoer) kali ini alami petoelangan jang sanget melelahken.
Di moelai ketemoe satoe empe jang poenja banjak „moerid” ( *tapi boekan manoesia melaenken dari gagak, monjet, bango, oewa², oeler, andjing dan boreorng oeloeng²) djelas aroma silat klasik sanget kentel terasa jakni di djaman Tiongkok belon pake thautjang.
Kamoedian pertempoeran di atas koeda tida ada brentinja antara Gwat Yong dan Gin Peng dengen para bandit, sampe² koeda Gwat Yong ( Tho-hoa swat-lie-hong) ditjoeri oleh soeami istri pakar koeda. Bagimana tergambar seroenja pertempoeran soeami istri pakar koeda dengen Gwat Yong dan Gin Peng dimana sang kakak lebih arief sebalik'nja sang Hiem-moay lebih patriotis dan gigih dalem bertempoer.
Pagi pembatja jang ingin taoe banjak tentang selak beloek perkoeda’an dalem tjerita silat batjalah ini tjerita:
Koetiban:
Gwat Yong melirik pada Gin Peng…………
„Gin-Moay kaloe kaoe denger omongan Gie-tjie (bahasain diri'nja sendiri)” kata Gwat Yong tentoe tida dapet hinaan disini”
„Soenggoe mengemesken sekali itoe bangsat toea” kata Gin Peng dengen roman moeka gemes „ia tida boenoeh kita dengen lantas, tapi maoe bikin soesah doeloe, sesampenja ini koetika akoe menjesel jang tadi terlaloe keboeroe napsoe, hingga berbalik merembet pada tjitji”……………..
Siang-koan kiat bentak bikin boebar itoe binatang dan dapet liat di atas tanah ada satoe piauw, ia taoe itoe ada satoe piauw jang baroesan dilepas oleh moesoeh'nja, ia ambil itoe piauw dan liat dibagian bawah'nja ada keliatan tertoelis lima hoeroed „Khay Hong Sie Gwat Yong”
Kisah silat kelasih selamanja sanget memoekaoe bikin orang berhajal setinggi bintang.