Song Thiauw Gwan atawa perdjodohan jang mengheranken.
Satoe Perdjodohan jang kebetoelan dari seorang anak Tani jang poenja besar tenaga dengen satoe prempoean sanget tjantik. Siapa itoe prempoean? Kenapa ia maoe trima Thiaw Gwan jang sanget djelek? Pembatja tida perloe heran Kenapa Thio Hoei dapetken istri Siauw Lian Tjoe (dalem kisah Sam Kok) semoea aken terdjawab dalem Song Thiauw Gwan atawa Perdjodohan jang Mengheranken.
Koetipan terpilih:
……. jang mana menjebabken ia kaliwat terperandjat!!!
Itoelah kerna ia liat doea hweeshio ketjil dari gredja tadi, telah menggorong satoe peti mati jang berwarna poetih, dengen tergoepoe-goepoe dateng menjoesoel.
Song Thiauw Gwan merasa sanget heran, ia laloe merandek dan toenggoe mereka gotong itoe peti mati sampe di depan'nja baroe ia menanja: „kaoe orang soeroe kita pelahan djalan, dan bawa ini peti mati, sebetoel'nja maoe bermaksoed apa?
„Kita orang trima prentah dari soehoe” kata itoe hweeshio ketjil, „bahwa kaoe telah dibikin loeka oleh goeroekoe dengen ilmoe Tjia-yoe-kang, djalan tida sampe setengah lie pasti mati, ia soeroe kita bawa ini peti mati boeat oeroes djinasamoe”
Song Thiauw Gwan denger itoe omongan laloe berkata pada kedoea hweeshio ketjil: „Trima kasih atas kebaekan kaoe orang poenja soehoe, itoe peti mati akoe tida bisa trima, harep kaoe bawa poelang dan goenaken boeat kaoe poenja soehoe sendiri; kaoe orang poenja soehoe sekarang soedah tarik napas'nja”
Kenapa ini bisa kedjadian, semoea ada di ini tjerita pendek dari Kiam Hiap

Kaij Seng Kho
Kaij Seng Kho satoe pemoeda doesoen jang sanget rendah diri soedah bikin gempar dengen ia poenja kekoeatan jang sanget besar, namoen setelah itoe ia tida merasa besar kepala bahken teroes beladjar sampe ketemoeken satoe pendeta Siau lien Sie dinama sedikit ditjeritaken asal moela dari pendeta Siau Lien jang bermoela dari seorang djoeroe masak itoe biara jang sanget gagah. Djoega ditjeritaken asal moeasal toja haroes terboeat dari kajoe tertentoe. Semoea ada di Kaij Seng Kho jang gagah perkasa.
Koetiban:
Seng Kho dengen satoe tangan'nja laloe poetoesin tali'nja itoe kalde, kamoedian dengen laen tangan ia angkat kaki belakang binatang terseboet, jang diangkat sampe meliwatin kepala'nja dan poeter itoe kalde begitoe roepa.
Semoea tentara meliat demikian djadi kaget kerna Seng Kho telah poeter itoe kalde begitoe tjepet sekali, dengen lantas antero tentara pada melariken diri.
……………………
Jang poenja penggilingan laloe kedjer Seng Kho minta kalde'nja di kombaliken, tapi ternjata itoe kalde soedah mati, Seng kho segra ganti dengen 10.000 oewang tjhi, tapi itoe eigenaar jang merasa kagoem atas kegagahan'nja Seng Kho, soedah tolak itoe pembrian.
Inilah Kaij Seng Kho, tersalin dari toelisan Siang Khay Djian atawa Poet Hauw Seng, pengarang dari Pembakaran Gredja Hong Lian Sie.